ÍFS | Íslenska frisbígolfsambandið

Nýr vefur

2011-11-17T13:27:00.001Z

Íslenska frisbígolfsambandið er komið með nýjan vef. Ef þú flyst ekki yfir á hann sjálfkrafa, þá er hann að finna hér:

folf.is

Folfhetjur af landmóti UMFÍ

2007-07-12T15:17:00.000Z

Keppt var í tveim flokkum á landsmóti UMFÍ sem fór nýverið fram í Kópavogi. Þorvaldur "Þorri" Þórarinsson bar sigur úr býtum í opnum flokki. Indriði Níelsson verkfræðingur fylgdi á hæla hans og þriðja sæti tók sjálfur formaður mótanefndar, Haukur Árnason.

Úrslit í opnum flokki:

1. Þorvaldur Þórarinsson
2. Indriði Níelsson
3. Haukur Árnason
4. Ingólfur Dan Þórisson
5. Ingólfur Ingólfsson
6. Árni Leósson
7. Birgir Ómarsson
8-9. Davíð Torfason
8-9. Halldór
10. Sævar Ingi Rúnarsson

Einn af helstu kostum frisbígolfsins er hversu aðgengilegt það er. Það kostar ekkert að spila það, ef frá er talinn tíminn sem í það fer, og sameinar alla aldurshópa. Í hópi byrjenda sigraði Karl Georg Karlsson.

Úrslit í byrjendaflokki:

1. Karl Georg Karlsson
2. Þröstur Þór Guðmundsson
3. Karl Vignir Dyrving
4. Helga Gunnarsdóttir
5. Aðalheiður Ásmundardóttir
6. Jenny Gerleman
7. Magnea Birgisdóttir
8. Ásdís Erla Jóhannsdóttir

Folf á Landsmóti UMFÍ

2007-07-01T14:43:00.004Z

Keppt verður í folfi í fyrsta sinn á Landsmóti UMFÍ nú í sumar og erum við mjög ánægð með það. Keppnin verður öllum opin en keppt verður í tveimur flokkum, byrjenda og fyrir lengra komna.

Lagður verður sérstakur völlur í Kópavogsdalnum en keppnin fer fram laugardaginn 7. júlí.

Fréttablað mótsins

Skorkortin komin

2007-07-01T14:43:00.003Z

Nú eru skorkortin komin fyrir völlinn í Gufunesi. Hægt er að nálgast þau annaðhvort þar á opnunartíma eða þá hér að neðan og prenta út! Það er alltaf gott að eiga nokkur í töskunni.

Skorkort

Sumarið fer vel af stað

2007-07-01T14:43:00.001Z

Nú eru folfarar byrjaðir að mæta á vellina enda fer veðrið batnandi með hverri vikunni. Einnig er nú hægt að spila langt fram eftir kvöldi enda dagarnir langir. Við hvetjum alla til þess að kíkja á völlinn.

Fyrir þá sem vilja kynnast þessari skemmtilegu íþrótt þá erum við alltaf á vellinum í Gufunesi á laugardagsmorgnum í sumar á milli kl. 10-12.

Folfvellir

Folfvellir

2007-07-01T14:42:00.001Z

Nú eru þrír alvöru vellir hér á landi sem eru öllum opnir.

Gufunes í Grafarvogi
Þar er stærsti völlurinn og sá eini sem er með 18 körfur. Stórt kort er við bílastæðið sem lýsir vel vellinum. Fyrsta karfa er rétt við kortið.

Staðsetning

Úlfljótsvatn
Við Útilífsmiðstöð skáta er skemmtilegur 9 körfu völlur sem er mjög "skátalegur" þ.e. hann liggur um fjölbreytt landslag. Fyrri hluti vallarins er í skemmtilegum furu- og greniskógi en seinni hluti liggur meðfram læk. Fyrsta karfan er fyrir ofan þjóðveg á móts við bæinn Úlfljótsvatn en síðasta holan er fyrir neða salernishúsin á tjaldsvæðinu.

Staðsetning

Hamrar Akureyri
Þessi skemmtilegi og fjölbreytti völlur liggur fyrir ofan tjaldsvæðið að Hömrum en fyrsta brautin er reyndar inn á tjaldsvæðinu og þá er kastað yfir eina af tjörnunum sem þar eru. Völlurinn er mjög skemmtilegur og reynir töluvert á hæfni spilara. Hægt er að velja um bláa og rauða teiga.

Staðsetning

Skor- og brautarkort

Auk þessara valla eru körfur við Hólavatn í Eyjafirði, í Vatnaskógi, á Tálknafirði og víðar.

Folfvörur

2007-07-01T14:41:00.002Z

Hægt er að kaupa ýmsar folfvörur hjá Hauki Árnasyni sem flytur inn og selur þessar vörur á hagstæðu verði. Síminn hjá honum er 866 3444 og e-mail folf@folf.is.

Færanlegur folfvöllur, 10 körfur á fæti.

Innova DiscCatcher Sport

Það tekur um 5 mínútur að setja upp hverja körfu og auðveldlega hægt að setja upp völl, nánast hvar sem er. Völlurinn verður til leigu á sanngjörnu verði og ef þið hafið góðar hugmyndir fyrir útbreiðslu og kynningu á sportinu hafið samband við mig. Ef þið viljið fá körfu til að taka með í sumarbústaðinn yfir helgi, æfa ykkur í garðinum heima eða fara með körfu á ættarmótið eða í afmælið. Hringið í mig í síma 866 3444 til að panta körfu(r).

Ég hef til sölu varanlegar körfur á kr. 25.000 stk.

Úrval af diskum af öllum gerðum. Þeirra á meðal:

INNOVA

Champion Aviar, Champion Spider, Champion Leopard,
Champion Banshee, Champion Beast,
Champion Cheetah´Champion Eagle,
Champion Monster, Champion Panther,
Champion Orc, Champion Shark,
Champion Sidewinder, Champion TeeBird,
Champion Valkyrie, Champion Viking,
Archangel, Bansheé, Bulldog, Cheetah,
Cobra, Dragon, Hydra,Gator, Gazelle, Puma,
Raven, Roc, Shark, Valkyrie, Viper, Whippet,
Wolf, Classic Roc, Classic Cobra,
MILLENNIUM
Aurora MS, EXP1, JLS, Polaris LS, Polaris LF
Omega,Omega AP, Sentinel MF
QUANTUM by Millennium
Q JLS
Q MS
Q Mega
Q Sentinel

TÖSKUR

Innova Standard, 2.000 kr
Innova Deluxe, 3.500 kr

Körfur

Innova DisCatcher Sport 25.000 kr

Ljósdíóður fyrir næturfolf

500 kr stk, 4 fyrir 1.500 kr.

Diskarnir kosta kr. 1.500 í Champion plasti en kr. 1.000 í venjulegu og glow.

Folfreglur

2007-07-01T14:41:00.001Z

Folf er spilað líkt og hefðbundið golf nema með frisbí diskum. Eitt stig er talið fyrir hvert skipti sem disknum er kastað. Takmarkið er að fá sem fæst stig (án þess að svindla).

Reglurnar eru mjög líkar þeim reglum sem notaðar eru í hefðbundnu “Golfi” þar sem tillitsemi er einnig hluti af leiknum. Sanngjarnt er að mótspilari þinn fái að kasta án truflunar, það sama myndir þú vilja. Ekki taka kast fyrr en þú er viss um að flug disksins og lending trufli ekki hina spilarana.

Skot frá skotteigi verða að eiga sér stað á eða fyrir aftan ákveðna skotlínu. Ekki kasta fyrr en meðspilarar fyrir framan þig eru komnir úr skotfæri.

Takið fyrstu upphafsskot eftir fyrirfram ákveðni röð og síðan fer röðin eftir skori síðustu brautar, sá spilari sem var með fæstu skotin tekur fyrstur upphafskot.

Diska á ávallt að skilja eftir þar sem þeir liggja og ekki taka upp fyrr en skot er tekið.

Það kostar nokkra æfingu að staðsetja fætur rétt þegar kastað er. Sá fótur sem þú setur þungann á í kastinu verður að vera eins nálægt skotstað og kostur er. Hann má aldrei fara yfir skotlínu og ekki meira en 30 cm fyrir aftan hana eða til hliðar. Hinn fóturinn má vera hvar sem er svo fremi sem hann fari ekki nær körfunni en skotlína er.

Leyfilegt er að fylgja eftir skoti með því að stíga yfir skotlínu eftir að kast er tekið, nema þegar púttað er þ.e. innan 10 metra frá körfu. Ekki er leyfilegt að falla fram fyrir sig til að halda jafnvægi í pútti.

Ef diskurinn festist í tré eða runna í meira en 2 metra hæð, þá er diskurinn færður og settur á jörðina nákvæmlega fyrir neðan þann stað sem hann sat fastur. Um leið bætist eitt refsiskot á skorkortið. Ef diskurinn lendir á stað sem er ekki hægt að kasta frá er hann færður út úr þeim aðstæðum, þó ekki nær körfu, og eitt refsiskot bætt við skorkortið.

Reglur PDGA

Hvað er folf?

2007-07-01T14:40:00.003Z

Frisbí golf - skemmtileg almenningsíþrótt
Frisbí golf er leikið á svipaðan hátt og venjulegt golf. Í stað golfkylfa og golfbolta nota leikmenn frisbídiska. Þessi íþrótt var mótuð á áttunda áratug síðustu aldar og á það sameiginlegt með venjulegu golfi að reynt er að klára hverja holu í sem fæstum köstum. Folfdisknum er kastað frá teigsvæði í átt að skotmarki sem er “holan”. Þessi hola getur verið mismunandi en oftast er um að ræða sérsmíðaðar körfur. Leikmenn taka hvert kast frá þeim stað þar sem diskurinn lenti síðast. Hæðir, hólar, tré o.f.l. sem finna má út um allan völlinn eru leikmönnum áskorun og hindrun í tilraunum þeirra við að koma disknum í körfuna. Loks endar “púttið” í körfunni og þeirri holu er þá lokið. Frisbígolf á sameiginlega gleðina og spennuna sem finna má í hefðbundnu golfi, hvort sem það er við að lenda löngu pútti í holu eða við það að lenda á tré miðja vegu niður flötina. Nokkur atriði eru þó frábrugðin. Venjulega þarf ekki að borga neitt fyrir að spila frisbígolf! Auk þess þarftu ekki að leigja eða kaupa mikinn búnað.

Hvar er hægt að leika Frisbígolf?
Haustið 2003 var settur upp við svæði ÍTR við Gufunesbæ í Grafarvogi, 9 brauta Frisbígolfvöllur. Hann var síðar stækkaður í 18 brautir. Það er fullkominn Frisbígolfvöllur með sérsmíðuðum körfum. Þeir sem eiga ekki disk geta jafnvel fengið lánaða/leigða diska hjá ÍTR. Einnig er völlur við Úlfljótssvatn og er hann aðgengilegur fjölskyldum sem dvelja á tjaldstæðinu en einnig geta spilarar komið þar við og tekið hring. Þá er við Hamra, tjaldsvæði Akureyringa, mjög skemmtilegur völlur.

Nánar um vellina

Hægt er að hafa samband við ÍFS með allar ráðleggingar, hvort sem er um að ræða hönnun valla, staðsetningu, kaup á körfum, útvegun á leikreglum, diskum og kennslu.

Kostirnir við frisbígolf

Lítill kostnaður – Að setja upp og hanna keðju-holu Frisbígolfvöll kostar ekki nema örlítið brot af kostnaði miðað við t.d. fótboltavöll eða leiktækjavöll. Á mörgum völlum hefur verið hægt að endurheimta kostnað við völlin á skömmum tíma með sölu flugdiska á staðnum. ÍFS er ávallt reiðubúið að leggja til þekkingu, tæki og sjálfboðaliða við að hanna og smíða Frisbígolfvöll.
Umhverfisvænt – Við smíði hefðbundinna boltagolfvalla þarf að leggja í miklar landslagsbreytingar með tilheyrandi jarðraski og röskun á gróðri og dýralífi á svæðinu. Flugdiska golfvellir nota náttúrulegt umhverfi og ekki er þörf á neinum sérstökum flötum eða sérstökum breytingum á náttúru staðarins. Tré og runnar eru notuð sem náttúrulegar hindranir og eru aldrei rudd eða söguð vegna hönnunar slíkra valla. Þannig er reynt að láta flugdiska golfvöllinn falla að náttúrunni en ekki öfugt.
Holl hreyfing – Nú þegar allir reyna að hugsa um heilsuna og læknar leggja áherslu á hreyfingu eru æ fleiri að reyna að finna sér líkamsrækt sem ekki er bara vöðvarækt og erfiði heldur líka skemmtun. Þannig aukast ekki aðeins lífslíkur heldur einnig lífsgæði. Folf skerpir neðri og efrihluta líkamans, kallar á góða og holla hreyfingu og eflir líkamlega og hugræna hæfileika án nokkurar hættu á líkamsmeiðslum eða svo kölluðum álagsmeiðslum. Hæfileikinn til einbeitingar eflist til muna við þá áskorun að þróa skottækni og við að komast framhjá hindrunum með skapandi hugsun. Leikmenn sem eru í slakri líkamlegri þjálfun geta auðveldlega byrjað hægt og síðan aukið hæfni sína stig af stigi eftir því sem líkamlegt ástand batnar og eflist. Íþróttinni fylgir útivist, sem mörg okkar óska að ungmenni mættu njóta oftar, af því allir geta leikið flugdiska golf; börn, unglingar og fullorðnir á öllum aldri.

Um ÍFS

2007-07-01T14:40:00.001Z

Í stjórn Íslenska frisbígolfssambandsins (ÍFS) eru:

Birgir Ómarsson, formaður
Arnar Páll Unnarsson, meðstjórnandi
Guðbjörg Ragnarsdóttir, meðstjórnandi

Haukur Árnason er formaður mótanefndar.

Sambandið var stofnað 2005 og er markmið þess að stuðla að uppvexti Frisbígolfs á Íslandi.

Folftenglar

2007-07-01T14:38:00.000Z